Na celebración do magosto estivo na escola Salvador, o pai
de Laura, alumna de 5º curso.
Salvador vive en Veiga. É gandeiro e agricultor e contounos
moitas cousas sobre os soutos e as castañas.
El e a súa familia son ben coñecedores desta árbore e o seu
froito. Según nos contou, non fai moitos anos, moitas familias da comarca dos
Ancares e o Caurel aproveitaban os soutos como fonte importante de recursos.
Pero non se queda aquí a cousa...
Salvador contounos dende como se recollían os ourizos ata
como se inxertaban os castiñeiros…
Quizais non está ben
falar en pasado, non?
Contounos que nos nosos días o aproveitamento da castaña
como recurso económico, medioambientalmente sostible, non está nada esquecido,
xa que no veciño Caurel, son moitas as persoas que se adican a traballar
arredor destes espazos máxicos, os soutos.
Entre todos os contos e relatos relacionados co magosto, os
soutos e as castañas, invitámosvos a ler o relato de Laura onde, coa axuda do seu
pai e da súa nai, nos fala de ouriceiras, varexar, inxertar e moitas cousas
máis para a área de CM.
Anímaste a lelo???
